Stereo AV Cable

Paglalarawan

Ang Stereo AV Cable ay nagbibigay ng composite video kasama ang stereo audio sa pamamagitan ng tatlong ‘RCA’ plugs. Ito ang pinakakaraniwang paraan ng pagkonekta ng mga external devices sa telebisyon noong dekada ’90. Bagama’t hamak na mas maganda at mas madaling gamitin ito kumpara sa mga naunang RF modulator at switch na ikinakabit sa antenna input ng TV, nanatiling limitado ang kalidad ng imahe. May mga mas mainam na alternatibo noon, tulad ng RGB na karaniwan sa ilang pamilihan gaya ng Japan at Europe para sa mas malinaw na output, habang ang s-video naman ay laganap sa ibang lugar na may kaunting bawas sa kalidad. Gayunpaman, noong panahong iyon ay napakaliit lamang ng interes at kamalayan ng mga mamimili tungkol sa image quality. Mahirap marahil isipin ang panahon bago ang HDMI sa ating kasalukuyan.

Ang cable na ito ay partikular na ginawa para sa mga PAL system, subalit compatible ito sa lahat ng setup. Bagama’t ibinebenta ito nang hiwalay nang direkta mula sa Nintendo, malawak din ang distribusyon nito kasabay ng mga console.