Joy-Con 2 (L)

Paglalarawan

Ang mga controller ng Joy-Con 2 ay nananatili sa pamilyar na konsepto ng split-controller, ngunit pinalitan na ang lumang sliding rail ng isang makapangyarihang magnetic mounting system. Sa halip na ia-align at i-slide sa pwesto, ang bawat Joy-Con ay kusang “dumidikit” sa gilid ng Switch 2 gamit ang mga magnet. Inilalabas naman ito sa pamamagitan ng mas malaking buton sa likuran na nagtutulak sa pin para humiwalay ang controller. Mas malaki rin ang mga ito na may mas mahabang grips, mas malapad na SL/SR triggers, at bahagyang mas malaking analog sticks.

Ang ikalawang henerasyon ng Joy-Cons ay nagtatampok din ng mga bagong hardware. Parehong may optical “mouse” sensor sa side rail ang mga ito na nagpapahintulot sa paggamit ng pointer habang nakapatag ang detatsableng Joy-Con. Ang kanang controller ay may nakalaang C Button na mabilis na naglulunsad ng built-in GameChat system ng Nintendo para sa boses at video calls, real-time screen sharing, at webcam overlays nang hindi na kailangan ng hiwalay na app. Mas pulido na rin ang haptic feedback na may mas detalyadong vibration patterns kumpara sa orihinal na Joy-Cons. Ang baterya ng Joy-Con 2 ay tumatagal ng humigit-kumulang 20 oras bawat pares, na naichacharge habang naka-dock sa console o gamit ang opsyonal na charging grip. Sa loob, gumagamit pa rin ang mga ito ng Bluetooth, may gyro at accelerometer para sa motion sensors, at sumusuporta sa NFC para sa mga amiibo.